«ҚазМұнайГаз» және Татнефть басшылары бірлескен жобаларды іске асыру жайын талқылады
21.04.2022
Сәуірдің 20-ы күні «ҚазМұнайГаз» ҰК АҚ (бұдан әрі – ҚМГ) Басқарма төрағасы Мағзұм Мырзағалиев «Татнефть» ЖАҚ (бұдан әрі – Татнефть) бас директоры Наиль Магановпен кездесу өткізді.
ҚМГ басшысы Татнефть негізгі серіктестің бірі екенін және компаниялар арасындағы ынтымақтастық бірқатар стратегиялық бағыттарды қамтитынын атап өтті. Мағзұм Мырзағалиев бірлескен мұнай-газ химиясы жобаларының одан әрі іске асырылуына ерекше назар аударды.
Бұдан бөлек, қос компанияның басшылары Қазақстан аумағында геологиялық-барлау және мұнай-газ өндіру жобалары саласындағы ынтымақтастық мәселелерін де қарады.