ҚМГ Басқарма төрағасының орынбасары Д. Тиесов қызметінен босатылды

«ҚазМұнайГаз» ҰК АҚ Басқарма төрағасының мұнай өңдеу және мұнай химиясы жөніндегі орынбасары Данияр Сүйіншілікұлы Тиесов 2022 жылғы 8 сәуірден бастап өз еркімен қызметінен босатылды.

Бұл ретте Д.Тиесов «KPI Inc.» ЖШС Басқарма төрағасы ретінде жұмысын жалғастыратынын атап өткен жөн. Оған Атырау облысындағы полипропилен өндіретін газ-химиялық кешенді іске қосу жөніндегі міндеті жүктелген.

Д. Тиесов мұнай-газ саласындағы жауапты лауазымдарда 30 жыл, оның ішінде «ҚазМұнайГаз» жүйесінде 20 жылдан астам қызмет етті.