Moody’s Қазақстанның тәуелсіз рейтингісінің көтерілуі нәтижесінде «ҚазМұнайГаз» рейтингісін «Baa3» деңгейінен «Baa2» дейін көтерді
13.08.2021
2021 жылғы 12 тамызда «Moody’s Investors Service» халықаралық рейтинг агенттігі Қазақстанның тәуелсіз рейтингісінің көтерілуіне байланысты «ҚазМұнайГаз» ҰК АҚ (бұдан әрі – ҚМГ) кредиттік рейтингісін «Baa3» деңгейінен «Baa2» дейін көтерді. Рейтинг болжамы «жағымды»-дан «тұрақты» болып өзгерді. ҚМГ-ның өздігінен кредит төлеу қабілетінің рейтингісі «Ba2» деңгейінде бекітілді.
Қазақстанның тәуелсіз рейтингісінің жоғарылауы нәтижесінде көтерілген ҚМГ рейтингісі «ҚазМұнайГаз» және мемлекет үшін ҚМГ стратегиялық маңызының арқасында қажет болған жағдайда барынша қолдау көрсетуге дайын Қазақстан Үкіметі арасындағы берік байланысты дәлелдеп отыр.
Айта кетейік, 2021 жылғы 11 тамызда «Moody’s Investors Service» халықаралық рейтинг агенттігі Қазақстанның ұзақ мерзімді тәуелсіз рейтингісін «Baa3» деңгейінен «Baa2» дейін көтерді, болжам «тұрақты».
«Moody’s Investors Service» халықаралық рейтинг агенттігінің баспасөз хабарламасының толық нұсқасын төмендегі сілтеме бойынша оқи аласыз:
