ҚМГ-ның бұқаралық ақпарат құралында жарияланған материалға мәлімдемесі

«ҚазМұнайГаз» ҰК АҚ 2021 жылғы 7 наурызда БАҚ-та «Как «КазМунайГазу» отказали в свидании не по-английски» тақырыбымен жарық көрген мақалада (сілтемесі: https://orda.kz/kak-kazmunajgazu-otkazali-v-svidanii-ne-po-anglijski/) келтірілген фактілердің шындыққа жанаспайтындығы туралы хабарлайды. Атап айтқанда, BP британдық мұнай корпорациясы «Қаламқас-Теңіз» және «Хазар» жобаларын игеру жөніндегі келіссөздер процесінен шығу туралы өзінің ресми хатында «ҚазМұнайГаз» ҰК АҚ Басқармасына қатысты сыни тұжырымдамаларды қолданғаны туралы мәлімет мүлдем шындыққа келмейді.

Сонымен қатар, мақалада автордың инвестор өз хатында «ҚМГ ынтасыз» және «келіссөз жүргізетіндей ешкім жоқ деп атап айтады» деген мәлімдемесі жалған болып табылады. Хат мәтініне сәйкес бұл шешім компанияның стратегиясының қайта қаралуына байланысты болып отыр. BP өз қызметін жаңартылатын энергия көздеріне бағыттауға ниетті.

Хаттың түпнұсқасы қоса беріліп отыр.