Доңға кен орнында 2024 жылы 630 мың тонна мұнай өндірілді

Маңғыстау облысының Түпқараған ауданында орналасқан Доңға кен орнында мұнай өндіру көлемі былтыр 630 мың тоннаға жетті. 2023 жылы бұл көрсеткіш 546,9 мың тоннаны құрады.

Жалпы, ҚазМұнайГаз Доңға жобасындағы үлесті сатып алғаннан бастап кен орнын игеру оң динамиканы көрсетіп отыр. 2025 жылғы I тоқсанда 168,3 мың тонна мұнай өндірілді, ал таза пайда $6,2 млн жетті. Екі көрсеткіш те жоспардан асыра орындалды.

Анықтама: 2023 жылы ҚМГ TotalEnergies француздық концернінен жобаға қатысу үлесінің 60% сатып алған. Мәміле аясында операциялық компанияның атауы Dunga Operating GmbH болып өзгертілді.