Жаңаөзен қаласында жұмысқа орналастыру туралы қауесеттің таралуы жөнінде

«ҚазМұнайГаз» ҰК АҚ (бұдан әрі – ҚМГ) Жаңаөзен қаласының тұрғындары арасында «Өзенмұнайгаз» АҚ-ға «белгілі бір сыйақы мөлшері үшін жұмысқа орналастырады» деген ақпарат пен қауесеттің таралуына байланысты оның шындыққа жанаспайтынын хабарлайды.

Осындай жолмен жұмысқа орналастырамыз деген адамдардың іс-әрекеті заңға қайшы болып табылады және қылмыстық ретпен қудаланады. Мұндай ұсыныс келіп түскен жағдайда, құқық қорғау органдарына немесе ұлттық компанияның сенім телефонына +7 7172 78 65 65 не doverie@kmg.kz электронды мекен-жайына хабарласуыңызды сұраймыз.

ҚМГ еншілес ұйымдарына жұмысқа тұру мәселесі қабылдау тәртібін айқындайтын тиісті ішкі нормативтік құжаттармен реттеледі.

Ұлттық компания құқықтық және этикалық нормалардың қатаң сақталуын жіті назарға алып, қолданыстағы заңнаманың кез келген бұзушылықтарына жол бермеу жөніндегі берік ұстанымға ие.