8 наурыз мерекесіне арналған салтанатты жиын

«ҚазМұнайГаз» ҰК АҚ-та (ҚМГ) Халықаралық әйелдер күні – 8 наурыз мерекесіне орай салтанатты жиын өтті.  Ұлттық компания басшысы Алик Айдарбаев, басқарма төрағасының орынбасарлары Жақып Марабаев пен Данияр Берлібаев ұжымдағы әйелдер қауымын құттықтап, жылы лебіздерін білдірді.

Компания басшылығы мұнайшы ұжымының барлық әйелдеріне денсаулық, құт-береке және отбасылық бақыт тіледі.  Корпоративтік орталықтың ең үздік қызметкерлері қажырлы еңбектері үшін ҚМГ және «Қазэнерджи» қауымдастығының грамоталарымен марапатталды. Шара соңы ҚМГ қызметкерлері өз күштерімен ұйымдастырған мерекелік концертке ұласты.