ҚМГ БӨ 2013 жылдың операциялық нәтижелерін жариялайды

Астана, 22 қаңтар 2014 ж. «ҚазМұнайГаз» Барлау Өндіру» АҚ («ҚМГ БӨ», «Компания») 2013 жылдың операциялық нәтижелерін және 2013 жылы бірлескен кәсіпорындар мен қауымдасқан компаниялардан алынған дивидендтерді жариялайды.

• ҚМГ БӨ «Қазгермұнай» БК» ЖШС (ҚГМ), «CCEL» (CCEL) және «ПетроҚазақстан.Инк» үлестерді есепке алғанда 2013 жылы 12 387 мың тоннаны (тәулігіне 251 мың баррель) өндірді, бұл шоғырландырған өндіру жоспарына сәйкес 2012 жылмен салыстырғанда 2 %-ға көп;
• 2014 жылы «Өзенмұнайгаз» АҚ (ӨМГ) және «Ембімұнайгаз» АҚ (ЕМГ) өндіру жоспары 5 350 мың тоннаны (тәулігіне 108 мың баррель) және сәйкесінше, 2 820 мың тоннаны (тәулігіне 57 мың баррель) құрайды. ҚГМ, CCEL және ПҚИ мұнай компанияларындағы жоспарланған өндіру көлемінде ҚМГ БӨ үлесі 2014 жылы 4 093 мың тоннаны (тәулігіне 84 мың. баррель) құрайды;
• ЕМГ-да ілеспе газды кәдеге жарату бойынша екінші жабдықтың құрылысы аяқталды. Бұдан басқа ҚМГ БӨ сервистік компаниялары үшін екі өндірістік база пайдалануға берілді;
• ҚМГ БӨ 2013 жылы басымдылық төлем ретінде CCEL-дан 27 млн.АҚШ долларын және дивиденд ретінде ПҚИ-дан 219 млн.АҚШ долларын және ҚГМ-нан 200 млн АҚШ долларын алды.

2013 жылдың операциялық қызметі

ҚМГ БӨ «Қазгермұнай»БК» ЖШС (ҚГМ), «CCEL» (CCEL) және «ПетроҚазақстан Инк.» (ПҚИ) компанияларындағы үлесін есепке алғанда, 2013 жылы 12 387 мың тонна (тәулігіне 251 мың баррель) мұнай өндірді, өндіру жоспарына сәйкес, 2012 жылмен салыстырғанда 196 мың тоннаға немесе 2% артық.

«Өзенмұнайгаз» АҚ және «Ембімұнайгаз» АҚ

«Өзенмұнайгаз» АҚ (ӨМГ) 5 208 мың тонна (тәулігіне 105 мың баррель) өндірді, бұл 2012 жылмен салыстырғанда 5% көп. «Ембімұнайгаз» АҚ (ЕМГ) 2 841 мың тонна (тәулігіне 57 мың баррель) өндірді, бұл 2012 жылмен салыстырғанда 1% көп. Нәтижесінде ӨМГ және ЕМГ жалпы өндіру көлемі 8 049 мың тоннаны құрады (тәулігіне 162 мың баррель), бұл 2012 жылмен салыстырғанда 4% көп.
2013 жылы ӨМГ және ЕМГ мұнайын сатудың экспорттық көлемі 6 017 мың тоннаны (тәулігіне 119 мың баррель) немесе мұнайды сату жалпы көлемінің 75% құрады. Ішкі нарыққа жеткізілімдер 1 968 мың тоннаны (тәулігіне 39 мың баррель) немесе жалпы мұнай сатылымы көлемінің 25% құрады.

Бірлескен кәсіпорын және қауымдасқан компания

2013 жылы CCEL, ҚГМ және ПҚИ компанияларының өндіруіндегі ҚМГ БӨ үлесі 4 338 мың тоннаны (тәулігіне 89 мың баррель) құрады, бұл 2012 жылмен салыстырғанда 2% кем, негізінен 5%-ға өндірудің табиғи төмендеуі себебі бойынша ПҚИ өндірісі деңгейінің төмендеуі есебінен.
CCEL, ҚГМ және ПҚИ компанияларының сату көлеміндегі ҚМГ БӨ үлесі 4 319 мың тонна мұнайды (тәулігіне 88 мың баррель) құрады, оның 3 829 мың тоннасы (тәулігіне 78 мың баррель) экспортқа шығарылды, бұл – компаниялардың жалпы сату көлемінің 89%-ын құрайды.

2014 жылға болжам

Бұдан бұрын хабарланғандай, ӨМГ және ЕМГ бойынша 2014 жылға өндіру жоспары 5 350 мың тоннаны (тәулігіне 108 мың баррель) және сәйкесінше, 2 820 мың тоннаны (тәулігіне 57 мың баррель) құрайды. ҚГМ, CCEL және ПҚИ мұнай компанияларындағы жоспарланған өндіру көлемінде ҚМГ БӨ үлесі 2014 жылы 4 093 мың тоннаны (тәулігіне 84 мың. баррель) құрайды, бұл 2013 жылмен салыстырғанда 6% төмен, ҚГМ және ПҚИ-да өндірудің табиғи төмендеуіне байланысты.

Федоровский блогындағы барлау қызметінің нәтижелері

2013 жылы Федоровский блогының Рожковское кен орнында үш тұзасты ұңғысын (U-11, U-26 және U-24) бұрғылау аяқталды. U-11 ұңғысын тестілеу кезінде тәулігіне 156 мың.м3 деңгейінде газ ағыны және тәулігіне 152 м3 деңгейінде конденсат алынды. Бұдан бұрын хабарланғандай, U-26 ұңғысын тестілеу кезінде тәулігіне 239 мың.м3 деңгейінде газ ағыны және тәулігіне 247 м3 деңгейінде конденсат алынды. Үшінші ұңғыға сынақ 2014 жылдың бірінші жарты жылдығында жүргізіледі деп жоспарлануда.
«НИПИНефтегаз» АҚ 2010 жылдан бергі барлау қызметтерінің нәтижесі жөнінде Рожковское кен орны бойынша қорларды есептеу туралы есепті дайындады. Қазіргі уақытта есеп Қазақстан Республикасының қорлары бойынша Мемлекеттік комиссиясының қарауында жатыр. Компания қорлар бойынша бекітілген есепті 2014 жылдың 1 тоқсанында алады деп күтілуде.
2003 жылдан бастап Федоровский блогында геологиялық барлау жұмыстары 10 барлау ұңғысында жүргізілді, оның 8-і табысты, 1 ұңғыға сынау жүргізіледі деп күтілуде және 1-еуі құрғақ болды.

Жаңғырту бағдарламасының ағымдағы нәтижелері

2013 жылы «Ембімұнайгаз» АҚ ілеспе газды кәдеге жарату бойынша екінші жабдықтың құрылысы аяқталды және сервистік компаниялар үшін өндірістік базалар пайдалануға берілді.

Ембімұнайгазда газды қайта өңдеу бойынша жабдықтар

2013 жылдың желтоқсанында «Ембімұнайгаз» АҚ-ның (ЕМГ) Шығыс Мақат кен орнында ілеспе газды кәдеге жарату жөніндегі жабдық мемлекеттік комиссиямен қабылданды. Бұдан бұрын хабарланғандай, жобалық қуаттылығы жылына 40 млн. текше метр болатын жабдықтың құрылысы 2013 жылдың шілдесінде аяқталған.
2013 жылдың қазан айында ЕМГ-ның С.Балғымбаев кен орнында жобалық қуаттылығы жылына 20 млн. текше метрлік ілеспе газды кәдеге жаратуға арналған екінші жабдықтың құрылысы аяқталды.
Жабдықтар экологиялық заңнамалар талаптарына сәйкес тазартылмаған газды жағуды тоқтатуға мүмкіндік береді. Қайта өңделген газдың бір бөлігі өз қажеттіліктері үшін пайдаланылатын болады. Қалған бөлігі субсидиялық бағамен ішкі нарыққа сатылатын болады. Газды кәдеге жарату жабдықтарының құрылысына барлығы 2,6 млрд. теңге (17 млн. АҚШ доллары) инвестиция жасалды.

Сервистік компаниялар үшін өндірістік базалар

2013 жылдың екінші жарты жылдығында Қаражанбас және Қаламқас кен орындарында «Техникалық көлік және ұңғыларға қызмет көрсету басқармасы» ЖШС («ТКҰҚКБ») екі өндірістік база пайдалануға берілді. Өндірістік базалар автокөлік құралдарына және арнайы техникаға заманауи технлогияны қолдану арқылы сапалы орталықтандырылған сервистік қызмет көрсетуге мүмкіндік береді, сондай-ақ еңбек ету жағдайын жақсартады.

Бірлескен кәсіпорындар және қауымдасқан компаниялардың дивидендтері

2013 жылдың желтоқсанында ҚМГ БӨ CCEL-дан басымдылық төлем ретінде 10 млн. АҚШ долларын алды. Осылайша, ҚМГ БӨ 2013 жылы CCEL-дан басымдылық төлем ретінде барлығы 27 млн. АҚШ долларын алды.
2013 жылдың желтоқсанында ПҚИ акционерлері қабылдаған шешімге сәйкес, ПҚИ 300 млн. АҚШ доллары соммасында дивидендтерді бөлді. ҚМГ БӨ үлесі 99 млн.АҚШ долларын құрады. Осылайша, бұрын алынған дивидендтерді есепке алғанда, салықтарды шегергеннен соң, ҚМГ БӨ 2013 жылы ПҚИ-дан дивиденд ретінде 219 млн. АҚШ долларын алды.
Бұдан бұрын хабарланғандай, ҚМГ БӨ 2013 жылы ҚГМ-нан дивиденд ретінде 200 млн. АҚШ долларын алды.

АНЫҚТАМА

ҚМГ БӨ мұнай өндіру көлемі жағынан Қазақстанда көшбасшылардың үштігіне кіреді. Компанияның өндіру көлемі «Қазгермұнай» БК ЖШС мен CCEL («Қаражанбасмұнай» АҚ) және «ПетроҚазақстан Инк.» компанияларындағы үлестерді есептегенде, 2013 жылы 12,4 млн. тоннаны (тәулігіне 251 мың баррель) құрады. ҚМГ БӨ-нің шоғырланған дәлелденген және болжамды қорларының көлемі 2012 жылдың соңындағы жағдай бойынша бірлескен компаниялардағы үлесті есептегенде, 204 млн. тоннаны (1,5 млрд. баррель) құрады, оның 148 млн. тоннасы (1,1 млрд.баррель) «Өзенмұнайгаз»АҚ және «Ембімұнайгаз»АҚ -ға тиесілі. Компанияның акциялары Қазақстан Қор Биржасында, ал ғаламдық депозитарлық қолхаттары – Лондонның Қор Биржасында листингтен өтті. 2006 жылдың қыркүйегіндегі ІРО кезінде Компания 2 миллиардтан астам АҚШ долларын тартты. 2013 жылдың мамырында Халықаралық Standard&Poor’s агенттігі ҚМГ БӨ несиелік рейтингін «ВВВ-» деңгейінде растады.

«Техникалық көлік және ұңғыларға қызмет көрсету басқармасы» ЖШС-да («ТКҰҚКБ») 2012 жылы құрылды, мұнай өндіру компаниялары үшін құбыр желілерін қалыптастыру және ұңғыларға күрделі және жерасты жөндеу қызметтерін көрсететін ҚМГ БӨ еншілес кәсіпорыны болып табылады.

Байланыстық ақпарат:

«ҚМГ БӨ» АҚ, Институционалдық инвесторлармен байланыс (+7 7172 97 54 33)
Әсел Қалиева
e-mail: ir@kmgep.kz

«ҚМГ БӨ» АҚ, Жұртшылықпен байланыс (+7 7172 97 79 08)
Елена Пак
e-mail: pr@kmgep.kz

Болашаққа қатысты мәлімдеме

Осы құжатта «болашаққа қатысты мәлімдеме» болып табылатын немесе есептелетін мәлімдеме қамтылған. Басқаларының арасындағы «санайды», «алдын ала бағалау бойынша», «күтіп отыр», «болжам бойынша», «ұйғарып отыр», «жоспарлап отыр», «ұйғарды», «болады» немесе «болуы тиіс» деген сөздерді қоса алғанда болашақты сипаттауға арналған терминология, не, әр жағдайда осыған ұқсас немесе пара-пар терминология, не талқылауға арналған сілтемелер, болашақ оқиғаның немесе ниеттің жоспарлары, мақсаттары, міндеттері келешекке қатысты мәлімдемені түсіндіруге арналған. Болашаққа қатысты аталған мәлімдеме тарихи фактілер болып табылмайтын барлық мәлімдемелерді қамтиды. Олар ниеттер, пікірлер туралы мәлімдемелерді және Компанияның солармен қатар қызметтің нәтижелеріне, қаржылық жағдайға, Компания жұмыс істеп отырған стратегиялар мен салалардың жойылымдылығына, перспективаларына, өсуіне қатысты күтулері туралы мәлімдемелерді шектеусіз қамитды. Өз тұрғысында болашаққа қатысты өтінімдер болуы мүмкін келешектегі оқиғалар мен жағдайаттарға қатысты болғандықтан тәуекелмен және белгісіздікпен байланысты. Болашаққа қатысты мәлімдемелер қызметтің болашақ нәтижелерінің кепілдігі болып табылмайды және Компания қызметінің іс жүзіндегі нәтижелері, қаржылық жағдайы және қызметін тоқтатуы және Компания жұмыс істейтін елдер мен салалардың дамуы осы құжатта сипатталған нұсқалардан айтарлықтай өзгеше болуы немесе осы құжатта қамтылған болашаққа қатысты мәлімдемелерге сәйкес жүзеге асуы мүмкін. Компания жаңа ақпараттар алудың, болашақ оқиғалардың немесе қандай да бір өзге де жағдайдың нәтижесінде болса да осы құжатта қамтылған салаға қатысты қандай да болмасын ақпаратты немесе болашаққа қатысты қандай да болмасын мәлімдемені жаңартуды жоспарламайды және ол жөнінде өзіне міндеттеме алмайды. Компания болашаққа қатысты мұндай мәлімдемелерде айтылған нәтижелерге қол жеткізілетіндігіне қатысты ешқандай мәлімдеме жасамайды, ешқандай растау бермейді және ешқандай болжам жарияламайды.