«ҚазМұнайГаз» ҰК АҚ 2017 жылғы тұрақты даму туралы есепті жарыққа  шығарды «Тұрақты болашақ құра отырып»

«ҚазМұнайГаз» ҰК АҚ компаниялар тобының қызметі, жетістіктері, мақсаттары және қоршаған ортаға, қатысы бар өңірлердің  экономикасына және әртүрлі мүдделі тараптар ұсынған қоғамға оң, сондай-ақ теріс әсері туралы ақпаратты ашатын 2017 жылғы тұрақты даму туралы есепті ҚазМұнайГаз жарыққа шығарды. Есеп орталық коммуникациялар арнасы болып табылады, ол арқылы ҚМГ барлық мүдделі тараптар үшін ақпаратты ашады.

Есеп GRI Standards 2016 сәйкес «кеңейтілген» опцияда дайындалды және материалдылығын анықтау процесі тұрғысында GRI Materiality Disclosures Service тексеруінен өтті. Есеп сондай-ақ, ҚМГ-нің БҰҰ Жаһандық шартына қатысу шеңберінде «Прогресс туралы хабарламаны» білдіреді және Компанияның адам құқықтары, еңбек, қоршаған орта және сыбайлас жемқорлыққа қарсы іс-қимыл саласындағы қағидаттарды ұстанушылық туралы, сондай-ақ Компанияның тұрақты даму саласындағы жаһандық 17 мақсатқа жетуіне жәрдемдесу туралы  ақпаратты көрсетеді.

Мүдделі тараптардың мүдделерін ескерудің маңыздылығын ұғына отырып, біз жыл сайын Есепке кері байланыс жинауды жүргіземіз. Мұндай практика Есептің мазмұнын жақсартуымызға және толықтыруымызға, сондай-ақ қызметкерлердің және басқа да мүдделі тараптардың Компанияның тұрақты даму мәселелері бойынша хабардар болуын арттыруға көмектеседі.