«ҚазМұнайГаз» және «Лукойл» «Жеңіс» жобасы бойынша Қағидаттар туралы келісімге қол қойды

2018 жылғы 5 маусымда Астана қаласында «ҚазМұнайГаз» ҰК АҚ Басқармасының төрағасы Сауат Мыңбаев пен «ЛУКОЙЛ» ЖАҚ президенті Вагит Алекперов «Жеңіс» жобасы бойынша Қағидаттар туралы келісімге қол қойды.
Қол қойылған құжатқа сәйкес екі компания ынтымақтастықтың негізгі шарттарын келісті және біраттас учаскесі Каспий теңізінің қазақстандық учаскесінде орналасқан «Жеңіс» жобасын бірлесіп іске асыруға дайын екенін білдірді.
Қазақстан Республикасының заңнамасына сәйкес жоғарыда көрсетілген келісімнің күшіне енуі бойынша корпоративтік рәсімдер орындалғаннан кейін тараптар «Жеңіс» теңіз учаскесінде жер қойнауын пайдалану құқығын алу үшін Қазақстан Республикасының Энергетика министрлігіне жүгіну үшін жоба бойынша қажетті келісімдерге қол қою мақсатында келіссөздер жүргізуді жоспарлап отыр.
«ҚазМұнайГаз және Лукойл бірнеше жыл бойы стратегиялық әріптес ретінде бірқатар біріккен жобаларды іске асырып келеді. Бүгін қол қойылған Қағидаттар туралы келісім, сөз жоқ, Қазақстан Республикасының аумағында көмірсутек шикізатын бірлесіп барлауда және өндіру аясында біздің ынтымақтастығымыздың шекарасын кеңейте түседі», - деп атап көрсетті ҚМГ Басқарма төрағасы Сауат Мыңбаев.