«ҚазМұнайГаз» - ҚР мұнай-газ компаниялары арасында экологиялық жауапкершіліктің көшбасшысы

Ақпанның 22 жұлдызында Астанада Ресейдің Дүниежүзілік жабайы табиғат қорымен (WWF) және «КРЕОН» тобымен ұйымдастырылған Қазақстан Республикасының энергетика Министрлігінің қолдауымен және Орталық Азияның қоршаған ортаны қорғау бойынша БҰҰ Бағдарламасымен (UNEP- СА), CREON Capital, сондай-ақ Ұлттық рейтингтік агенттікпен серіктесе отырып Қазақстанның мұнай-газ компанияларының экологиялық жауапкершіліктің бірінші рейтингісінің нәтижелері таныстырылды.

Жалпы алғанда, рейтингтік іріктемеге 2017 жылы көмірсутегі өндіру көлемі жарты миллионн тоннадан асқан 16 компанияны кірді. Осы рейтингті бағалаудың негізгі критерийлері: экологиялық басқару, қоршаған ортаға әсер ету және ақпаратты ашу / ашықтық болып табылды.

«ҚазМұнайГаз» ҰК» АҚ Қазақстандағы мұнай-газ компанияларының экологиялық рейтингісінің бірінші орынын иеленді. ҚазМұнайГаз қоршаған ортаны қорғау саласында басқару жүйесін үнемі жетілдіруге тырысады, экологиялық мәселелер бойынша барлық мүдделі тараптармен белсенді қарым-қатынас жасайды, сондай-ақ, жыл сайын барлық экологиялық аспектілер туралы ақпаратты жариялайды, осылайша қоғам алдында өзінің ашықтық пен жауапкершілікті ұстанатындығын тұрақты түрде растайды.

Ресейдің Дүниежүзілік табиғат қорының (WWF) табиғатты қорғау саясаты жөніндегі директоры Евгений Шварцстың айтуынша: «Экологиялық жауапкершіліктің ерікті механизмдері  әлеуметтік және экологиялық инновацияларды ынталандырады,  қызметтің ашықтығы тұтынушылық сұраныстың пайда болуы мен қаржылық мекемелермен тәуекелдіктерді бағалау кезінде бизнеске арналған нарықтық бәсекелестік артықшылықтарын қалыптастырады».

Қазақстанның мұнай-газ компанияларының эколологиялық жауапкершілік рейтингісін іске қосылуы маңызды рөл атқарады және көмірсутек шикізатын өндіру, тасымалдау және қайта өңдеу кезінде экологиялық тәуекелдерді басқару сапасын арттыруға, сондай-ақ қоршаған ортаға теріс әсерді төмендетуге ықпал ететін болады. Аталған рейтингтің екінші және үшінші орындарын сәйкесінше «Қарашығанақ Петролеум Оперейтинг Б.В» жіне «ПетроҚазақстан Кұмкөл Ресорсиз» АҚ иеленді.