ҚазМұнайГазда сыбайлас жемқорлыққа қарсы кездесу өтті

7 қыркүйекте Астана қ. «ҚазМұнайГаз» ҰК АҚ (ҚМГ)  орталық офисінде компания қызметкерлерінің ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің (МҚІжСЖҚІА)  және «Нұр Отан» партиясының өкілдерімен кездесуі өтті.

Іс-шараны компанияның сыбайлас жемқорлыққа қарсы саясатын іске асыру шеңберінде ҚМГ корпоративтік қауіпсіздік департаменті (КҚД) ұйымдастырды.      

ҚМГ КҚД басшысы Қ.  Елубаев қаралатын мәселенің өзектілігін атап өтті, сыбайлас жемқорлықтың, алаяқтықтың және басқа заңсыз іс-әрекеттің белгілерімен күресу бойынша компанияда қабылданатын шаралар туралы айтылды.    

ҚР сыбайлас жемқорлыққа қарсы іс-қимыл саласындағы заңнаманың негізгі ережелерін түсіндіріп Астана қ. бойынша МҚІжСЖҚІА департаментінің басшысы Т.Т. Каскин,  «Нұр Отан» партиясының партиялық бақылау  инспектор С.Н. Кульбаев, Астана қ. бойынша МҚІжСЖҚІА департаментінің Сыбайлас жемқорлықтың алдын алу басқармасының басшысы  А.Р. Рахматулин  және  Сыбайлас жемқорлыққа қарсы іс-қимыл ұлттық бюросының аса маңызды істер жөніндегі офицері С.К. Сейтхазин  кездесу қатысушыларының алдында сөз сөйледі.