Табысқа жетелейтін бағыт!

2017 жылғы 22 мамырда «Табысқа жетелейтін бағыт» атты ҚМГ ҰК АҚ топ-менеджерлерін дамытудың бірыңғай бағдарламасының ашылу салтанаты болды. Ашылу салтанатында Басқарма төрағасы С.М. Мыңбаев бастаған Компаниялар басшылары қатысты. Қонақ ретінде Директорлар кеңесінің мүшелері мен «Самұрық-Қазына» Қорының басшылығы шақырылды.

ҚМГ топ-менеджерлерін дамытудың бірыңғай бағдарламасы – ҚМГ HR-мен Korn Ferry Hay Group компаниясы мамандарының халықаралық командасымен бірлескен жұмысының нәтижесі.

С.М. Мыңбаев өз сөзінде топ-менеджерлерді бағалау қорытындылары және олардың халықаралық бенчмаркпен арақатынасына тоқталды. ҚМГ басшысы Компанияның стратегиялық мақсаттарына қол жеткізу және оның әрбір қатысушысын дамыту үшін топ-менеджерлерді бірыңғай командаға біріктірудің маңызды екенін атап өтті.

Іс-шараның идеяларын біріктіретін тұжырымдама ретінде желкен спорты таңдалып алынды. Желкен регатасының кез келген қатысушысы уақыт бірлігінде тұтас бір ғұмырдың біледі: белгісіздік жағдайында тактикалық шешімдер кешені; және бір организм тәрізді командадағы құмармен және белсенді жұмыс істеу.

Желкен спорты әрқайсысын ынталандыруды, тартуды, жоғары тиімділігін және барлық команданың реттелген жұмысын білдіреді.

ҚМГ басшысы осы қағидаттар Бірыңғай бағдарламада көрініс тапқанын және қоңыраудың символикалық дауысымен оның салтанатты басталғанын көрсетті.

Іс-шарада халықаралық деңгейдегі спикерлер сөз сөйледі: IESE бизнес мектебінің өкілдері (Барселона), жетекші мұнай корпорацияларының топ-менеджерлері және аса ірі консалтингтік компаниялардың басшылары.

Топ-менеджментті дамыту бағдарламасының ашылу салтанаты барысында мынадай тақырыптар ашып көрсетілді:

Нарықтың халықаралық көшбасшы мұнай-газ компаниялары қандай топ-менеджерлерді іздейді?

Мұнай-газ секторындағы жетекші әлемдік компаниялар көшбасшылары қалай дамуда?

Мұнай-газ саласының ерекшеліктерін ескергенде қандай жаһандық геосаяси және экономикалық сын-тегеуріндер бар?

Іс-шара барысында қатысушыларда спикерлерге сұрақтар қою, топпен жұмыс істеу, бағдарламаның мазмұнына өз толықтырулары мен өзгерістерін енгізуге мүмкіндік болды.