Денсаулық, еңбек және қоршаған ортаны қорғау саласындағы озық инновациялық идеялар мен тәжірибелер конкурсының қорытындылары

Ұсынылған жұмыстарды іріктеуді үш сатылы комиссия жүзеге асырды. Оның құрамына ҚМГ және оның еншілес және тәуелді кәсіпорындарының қызметкерлері кірді. Оған қоса комиссия құрамына кәсіподақ өкілдері де міндетті түрде тартылды.

Конкурсқа ҚМГ-нің 20-дан астам еншілес және тәуелді кәсіпорындарының қызметкерлері қатысты. Жұмыстарды іріктеудің басты өлшемі «ҚазМұнайГаз» ҰК АҚ компаниялар тобында идеяларды енгізу мүмкіндігі, сондай-ақ денсаулық, еңбек және қоршаған ортаны қорғау саласындағы озық инновациялық тәжірибелерді пайдалану болып табылды. Жеңімпаздарды салтанатты марапаттау рәсімі конкурстың қорытынды шарасы болды.

Бірінші орынды «ҚазГерМұнай» БК ЖШС технологиялық қызметінің мұнай өндіру жөніндегі операторы Жанәлі Руслан Сайынғалиұлы иеленді. Оның өтінімінің идеясы рұқсат нарядтар беру жүйесіне түсті белгіленімдерді енгізуде болып табылады. Рұқсат нарядтың түсі жұмыстарды жүргізу кезіндегі қауіптілік дәрежесі мен ықтимал тәуекелдерді білдіретін болады. Бұл инновация қызметкерлердің жұмыстарды орындау кезіндегі ықыласын жақсартады және назарын аудартады. Сондай-ақ, уақтылы және дұрыс бағаланбаған, өз кезегінде қызметкерлердің өліміне дейін қауіпті салдарға әкеп соқтыруы мүмкін болған тәуекелдерді болдырмауға көмектеседі. Тәуекелдерді бағалаудың осы жүйесін енгізу сондай-ақ, сәтті орындалған жұмыстарды түсі бойынша бөле отырып, тоқсан сайынғы есептерді жүргізуге көмектеседі.

Екінші орынды «Тұлпар Мұнай Сервис» ЖШС бұрғылаушысының көмекшісі Мехтиев Давуд Асад Оглы иеленді. Мәлімделген идеяны қолдану жарылыс қаупі бар ахуалға жол бермеуге және СО² қатты көміртегі диоксидін (қатты мұз) пайдалану арқылы мұнай объектілерінің резервуарларындағы тазарту және дәнекерлеу жұмыстары кезінде қауіпсіздік шараларын нығайтуға мүмкіндік береді.

«Қазақтеңізкөлікфлоты» ҰТКҚК» ЖШС еңбекті қорғау және қауіпсіздік техникасы қызметінің бастығы Қайболдиев Бауыржан Амандықұлы үшінші орынға ие болды. «Дүниежүзілік денсаулық күні», «Дүниежүзілік еңбекті қорғау күні», «Жер күні», «Ағаш отырғызу акциясы» және т.б. сияқты бастамаларға қосылуды қамтитын әлеуметтік және экологиялық орнықтылық жөніндегі кешенді бағдарлама идеясын пайдалану ҚМГ компаниялар тобының қызметкерлерін бір-бір ағаштан отырғызуға және жұмыс орнын және тұратын жерлерін көгалдандыруға өз үлесін қосуға және қоршаған ортаны жақсартуға ынталандырады.

«ҚазМұнайГаз» ҰК АҚ компаниялар тобында денсаулық, еңбек және қоршаған ортаны қорғау саласындағы озық инновациялық идеялар мен тәжірибелер конкурсы жыл сайын өткізіледі.