«Өзара үйренетін компанияны құрайық»

«ҚазМұнайГаз» ҰК АҚ ішкі жаттықтырушы  ИБЖ жөніндегі бас менеджері Гүлханым Тоқышева және өндірісті оңтайландыру департаменті директорының орынбасары Азамат Наукенов үстіміздегі жылғы 27 қыркүйекте Ақтау қаласында еншілес ұйымдардың қызметкерлеріне арналған алғашқы семинарлар өткізді.

Азамат Наукенов: әкімшілік-басқарушы қызметкерлерге арналған «Мұнай-газ қызметінің негіздері» аты семинар өткізді. Сұхбаттасу кезінде, қатысушылар мұнай және газ өндіру, газды бұрғылау, тасымалдау, маркетинг жөнінде алған білімдері, тек арнайы мамандарға ғана емес, сонымен қатар экономистер, бухгалтерлер мен заңгерлерге де пайдалы болғанын хабарлады. Семинарға Ақтау қаласында орналасқан, «Манғыстаумұнайгаз» АҚ, «ҚазМұнайТеңіз» ТМК ЖШС, «Манғыстауэнергомұнай» ЖШС, «Мұнайтелеком» ЖШС, «OilServicesCompany» ЖШС,  «OilCostructionCompany» ЖШС,  «Oil TranspotCorporation» ЖШС 7 еншілес мекемелерінің 22 қызметкері қатысты.

ҚМГ ішкі жаттықтырушысы Гүлханым Тоқышева «ҚазМұнайГаз» интеграцияланған  басқару жүйесі» атты семинар өткізді. Семинардың тақырыбы корпоративтік орталық пен барлық еншілес ұйымдар үшін өте маңызды. Өйткені, тиімді жасалған сапа менеджменті мен басқару жүйесі компанияның қызметімен қатар, оның бәсекелестігін жақсартады. Семинарға геологтар, энергетиктер, кадрлар жөніндегі мамандар, қоршаған ортаны қорғау департаментінің қызметкерлері және интеграцияланған басқару  жүйесіне жауапты мамандар қатысты. Қатысушылардың жалпы саны 31 адам болды. Кездесу өте белсенді түрде өтті. Қатысушылар өз пікірлерімен, тәжірибелерімен алмасты.

Өзара үйрену аясында өткізілген іс-шара оң бағаланды.
Гүлханым Тоқышева осы семинар жөнінде былай деді: «Осы жобаға өз үлесімді қосқаныма өте қуаныштымын. Менің ойымша, басқарудың тиімді жүйесінде тәжірибе алмасу мен еншілес компаниялармен қарым-қатынас жасау өте маңызды».

Ішкі жаттықтырушылар институтын дамыту қажеттілігін біле отырып, ҚМГ HR корпоративтік орталығы алдымыздағы жылы ҚМГ компаниялары тобында оқыту семинарларын жоспарлайды.

Анықтама үшін:
Осы жылдың басында «ҚазМұнайГаз» АҚ ҰК «70/20/10» оқытудың жаңа үлгісін енгізу мақсатында «Ішкі жаттықтырушылар институты» аты институт құрды.  Г.Тоқышева мен А. Наукенов «ҚазМұнайГаз» ҰК АҚ Президенті ( Басқарма Төрағасы) С.М. Мынбаевтың бұйрығымен 2016 жылы ішкі тренерлер құрамына енгізілді. Ішкі жаттықтырушылар институтының құрамына «ҚазМұнайГаз» АҚ ҰК, өз саласында үлкен тәжірибесі бар және өз саласында сарапшы болатын мамандар енгізілген.