ҚМГ БӨ АКТЖЖ дауыс беруінің нәтижесі

2016 жылдың 3 тамызында «ҚазМұнайГаз» ұлттық компаниясы» АҚ («ҚМГ ҰК») 14 шілдеде қайта қаралған ҚМГ ҰК Циркулярында («Циркуляр») белгіленген ұсыныстар бойынша Астанада өткен «ҚазМұнайГаз» Барлау Өндіру» АҚ («ҚМГ БӨ») Акционерлерінің кезектен тыс жалпы жиналысында (АКТЖЖ) бүгінгі дауыс беру қорытындысы бойынша мәлімдеме жариялады:

«ҚМГ БӨ тиімділігін жақсарту жөніндегі ұсыныстарымыз миноритарлық акционерлердің арасында барынша қолдауға ие болғанымен бүгін АКТЖЖ мақұлдауын ала алмағанына біздің көңіліміз толмады.»

Осыған байланысты қолдау туралы Шарт (Циркулярда белгіленгендігіндей) орындалған жоқ, сатып алу туралы Ұсыныс (Циркулярда белгіленгендігіндей) жүзеге асырылмайды.

АНЫҚТАМА:

ҚМГ ҰК Орталық Азиядағы аса ірі мұнай-газ компаниясы, Қазақстанның көмірсутегін барлау, өндіру, өңдеу және тасымалдау бойынша ұлттық операторы болып табылады. Компанияның үлесіне Қазақстандағы мұнай өндірудің 28,6 пайызы және газ өндірудің 16 пайызы тиесілі. ҚМГ ҰК елдегі ірі жұмыс беруші болып табылады, оның құрамында шамамен 76 000 қызметкер бар. 2015 жылы өндірген мұнай және газ конденсатының жиынтық көлемі 22 670 мың тоннаны құрады, газ өндіру - 7 255 млн. текше метр, МӨЗ-дерге өңдеуге 16 317 мың тонна мұнай жіберілді, мұнай және газ конденсатының дәлелденген қоры 801,2 млн. тонна құрайды. Компания мемлекеттің мұнай-газ саласындағы мүддесін қорғайды: 90 пайызы «Самұрық-Қазына» ҰӘҚ» АҚ-қа, 10 пайызы Қазақстан Республикасы Ұлттық банкіне тиесілі. ҚМГ ҰК-ның Қазақстан мен шетелдердегі 38 мұнай және газ кәсіпорындарында үлесі бар.