ҚазМұнайГазға қарасты мұнай өңдеу зауыттары 2024 жылдың 11 айында 15,25 млн тоннадан астам мұнай өңдеді

Операциялық деректер бойынша 2024 жылдың 11 айында ҚМГ-ның үш қазақстандық мұнай өңдеу зауытында — «АМӨЗ» ЖШС, «ПМХЗ» ЖШС, «ПҚОП» ЖШС-де 15,25 млн тоннадан астам мұнай өңделіп, 4,8 млн тоннаға жуық автобензин, 4,83 млн тонна дизель отыны, шамамен 678,4 мың тонна авиаотын және 781 мың тоннадан астам сұйытылған көмірсутек газы (СКГ), сондай-ақ басқа да мұнай өнімдері өндірілді.

Атап айтсақ, «АМӨЗ» ЖШС-де бұл кезеңде 5 млн тоннадан астам мұнай өңделіп, 4,59 млн тонна мұнай өнімдері өндірілді. Соның ішінде жанар-жағармай материалдарының (ЖЖМ) көлемі – шамамен 1,46 млн тонна автобензин, 1,53 млн тоннаға жуық дизель отыны, шамамен 170,8 мың тонна авиаотын және 189,7 мың тоннаға жуық СКГ, сондай-ақ басқа да мұнай өнімдері (пеш отыны, бензол, параксилол, тауарлы мазут, вакуумды газойл, мұнай коксы, күкірт).

«ПМХЗ» ЖШС-де 4,99 млн тонна мұнай өңделіп, 4,66 млн тоннаға дейін мұнай өнімдері өндірілді. Соның ішінде ЖЖМ – 1,45 млн тоннаға жуық автобензин, 1,69 млн тоннаға жуық дизель отыны, 217 мың тоннаға жуық авиаотын және 290,2 мың тоннаға жуық СКГ, сондай-ақ басқа да мұнай өнімдері (битум, тауарлы мазут, пеш отыны, мұнай коксы, күкірт) шығарылды.

«ПҚОП» ЖШС-де 2024 жылдың 11 айында 5,2 млн тоннадан астам мұнай өңделіп, 4,79 млн тоннадан астам мұнай өнімдері өндірілді. Соның ішінде ЖЖМ – 1,88 млн тоннаға жуық автобензин, шамамен 1,61 млн тонна дизель отыны, 290,6 мың тоннаға жуық авиаотын және 301,2 мың тонна СКГ, сондай-ақ басқа да мұнай өнімдері (тауарлы мазут, күкірт) шығарылды.

Анықтама: Өңдеу көлемі операциялық режимде көрсетілгенін атап өткен жөн, яғни «ПҚОП» ЖШС-де ҚазМұнайГаздың үлесі 50%-ды құрайды (қалған екі зауыттағы үлесі – 100%), ал есепті кезеңдерде (тоқсан сайын және жылдық) шоғырландырылған көрсеткіштерде мұнай өңдеу және мұнай өнімдерін шығару жөніндегі мәліметтер тиісті түрде есептеліп, ПҚОП көлемінің жартысы ғана ескеріліп ұсынылады.