«ҚазМұнайГаз» ҰК АҚ кадрлық тағайындаулар жайлы хабарлайды

«ҚазМұнайГаз» ҰК АҚ кадрлық тағайындаулар болғанын хабарлайды.

KMG Kashagan B.V. бас директоры болып Бақытжан Хасанов тағайындалды.

«ҚазМұнайГаз» ҰК АҚ Басқарма Төрағасы Мағзұм Мырзағалиев KMG Kashagan B.V. ұжымына жаңа басшыны таныстырды.

Б.Хасанов «ҚМГ Инжиниринг» ЖШС бас директоры қызметін атқарып келді. «ҚМГ Инжиниринг» ғылыми-техникалық сараптаманы дамытумен және ресурстық базаны дамытуға жаңа технологияларды енгізумен, кен орындарын пайдалану тиімділігін қамтамасыз ету және оларды цифрландырумен айналысады. 

Әр жылдары «ҚазМұнайГаз» ҰК АҚ-да теңіз жобалары жөніндегі атқарушы директор, басқарушы директор, «ҚазМұнайТеңіз» ТМК ЖШС бас директоры, «Лукойл Оверсиз Сервис Лтд» компаниясы филиалы директорының орынбасары, «PSA» ЖШС жобаларды басқару жөніндегі басқарушы директоры қызметтерін атқарды.