КОРПОРАТИВТІК БАСҚАРУ ЖӘНЕ ОРНЫҚТЫ ДАМУ

КОРПОРАТИВТІК БАСҚАРУ

Тұрақты даму компоненттерін есепке ала отырып, біздің басқару саясатымызды қайта қарау және дамудың жаңа деңгейінің көрсеткіштеріне қол жеткізу бойынша мақсаттар қою Компанияның маңызды стратегиялық мақсаттарының біріне айналды. Біз үшін орнықты даму – бұл корпоративтік басқарудың маңызды компоненті.

Басқару жүйесін өзгерту

2018 жылы біз трансформациялау бағдарламасын белсенді іске асыруды жалғастырдық. Жаңа басқару моделіне сәйкес біз 2018 жылы ірі субхолдингтердің бірі – ҚМГ Барлау Өндіруді біріктірдік. Енді өндірістік активтерді басқару тікелей ҚМГ-дан жүзеге асырылады.

Корпоративтік мәдениетті дамыту

2018 жылы ҚМГ корпоративтік құндылықтарын бекітетін, іскерлік мінез-құлықтың және мүдделі тараптармен өзара қарым-қатынас жүргізудің аса маңызды қағидаттары мен қағидаларын айқындайтын және Компанияның барлық қызметкерлері басшылыққа алатын корпоративтік әдеп талаптарының жиынтығын білдіретін жаңа іскерлік әдеп кодексі бекітілді.

Адам құқықтары: Іскерлік топтар халықаралық танылған адам құқықтарын қорғауды қолдауы және құрметтеуі тиіс.

Адам құқықтары: Іскерлік топтар олар адам құқықтарын бұзуға қатысушы еместігіне көз жеткізуі тиіс.

Іскерлік топтар мәжбүрлі және міндетті еңбектің барлық нысандарын жою үшін әрекет етуге тиіс.

Еңбек: Іскерлік топтар еңбек және кәсіптер саласындағы кемсітушіліктерді жоюды қамтамасыз етуі тиіс.

Қоршаған орта: Іскер топтар экологиялық проблемаларды шешу кезінде сақтық көзқарасты ұстануға тиіс.

Қоршаған орта: Іскерлік топтар үлкен экология лық жауапкершілікті ілгерілетуге арналған бастамаларды көтеруі тиіс.

Іскерлік топтар бопсалау мен парақорлықты қоса алғанда, сыбайлас жемқорлықтың барлық нысандарына қарсы тұруға тиіс.

Корпоративтік басқару құрылымы мен ұйым құрылымының ашықтығы осы органдар мен оларға қатысатын тұлғалардың есеп беруін қамтамасыз ету үшін маңызды. Бұл есептілік элементтері ұйымның өзінің жоғары корпоративтік басқару органын қалай құратыны, оның құрылымын өзінің мақсаттарын ескере отырып қалыптастыратыны және осы мақсаттар ұйымның экономикалық, экологиялық және әлеуметтік әсерлеріне қалай сәйкес келетіні туралы ақпаратты қамтиды.

Директорлар кеңесі ҚМГ қызметіне жалпы басшылықты жүзеге асырады, Компания қызметінің басым бағыттарын, даму стратегиясын айқындайды және Акционерлердің жалпы жиналысы алдында өзінің басшылық функцияларын жүзеге асыру үшін жауапты болады. Ағымдағы қызметті басқаруды Басқарма жүзеге асырады, ол өз кезегінде Директорлар кеңесіне есеп береді.

Корпоративтік басқару құрылымы

ҚМГ Жарғысына сәйкес ҚМГ корпоративтік басқару органдары мыналар болып табылады:

1) Жоғары орган – Акционерлердің жалпы жиналысы,

2) Басқару органы – Директорлар кеңесі,

3) Атқарушы орган – Басқарма.

Директорлар кеңесінің комитеттері

Аса маңызды мәселелерді қарау және Директорлар кеңесіне ұсынымдар дайындау үшін ҚМГ-да Директорлар кеңесінің комитеттері құрылады.

2018 жылы Директорлар Кеңесі жанынан мынадай комитеттер өз қызметін жүзеге асырды:

1. Директорлар кеңесі мен Басқарманың сабақтастығын жоспарлау, ҚМГ органдарының қызметін бағалау, тиімді кадр саясатын, еңбекақы және сыйақы төлеу жүйесін қамтамасыз ету, сондай-ақ ҚМГ лауазымды тұлғалары мен қызметкерлерін әлеуметтік қолдау, кәсіби дамыту және оқыту жөніндегі міндеттер шеңбері үшін құрылған Тағайындаулар мен сыйақылар жөніндегі комитет.

2. Даму стратегиясы және инвестициялық саясат, ҚМГ қызметінің басым бағыттары, ҚМГ инвестициялық тартымдылығын арттыру, ҚМГ қаржы-шаруашылық қызметін жоспарлау және трансформациялау мониторингі мәселелері бойынша құрылған, бұрын Стратегия және инновациялар жөніндегі комитет деп аталған Стратегия және портфельді басқару комитеті.

3. Қаржылық жағдайды бағалау, қаржы құрылымы мен стратегияға мониторинг жүргізу, сондай-ақ инвестициялық жобалардың іске асырылуын бақылау жолымен тиімді қаржы саясатын жүргізу мақсатында құрылған Қаржы комитеті.

4. Функциялары қаржы-шаруашылық қызметті тиімді бақылауға, ішкі бақылау, тәуекелдерді басқару және корпоративтік басқару жүйелерінің тиімділігіне, аудит және қаржылық есептілік мәселелері бойынша бағытталған Аудит жөніндегі комитет;

5. 2018 жылы қауіпсіздікті қамтамасыз ету, еңбек және қоршаған ортаны қорғау, орнықты даму және әлеуметтік-экономикалық даму қағидаттарын, әлеуметтік міндеттемелер мен бағдарламаларды енгізу, қызметтің үздіксіздігін және экологиялық тиімділікті қамтамасыз ету бойынша мәселелер шеңберін қарау үшін құрылған Қауіпсіздік, еңбек және қоршаған ортаны қорғау және орнықты даму комитеті. Аталған комитет ұйым көрсететін экономикалық, экологиялық және әлеуметтік әсер ету аспектілері бойынша бастамашылық жасау, терең қарау және шешімдер қабылдау үшін жауап береді.

Жоғары басқару органының және оның комитеттерінің құрамы

Осы Есеп шыққан күнгі Директорлар кеңесінің құрамы мынадай:

1. Уолтон Кристофер Джон, Директорлар Кеңесінің төрағасы, Тәуелсіз директор;

2.Грюал Балжит Каур, «Самұрық-Қазына» АҚ мүдделерінің өкілі;

3. Қарабалин Ұзақбай Сүлейменұлы, «СамұрықҚазына» АҚ мүдделерінің өкілі;

4. Сәтқалиев Алмасадам Майданұлы, «СамұрықҚазына» АҚ мүдделерінің өкілі;

5. Уайт Стивен Джеймс, тәуелсіз директор;

6. Дайер Филип Джон, тәуелсіз директор;

7. Виана Палья Да Сильва Луис Мария, атқарушы емес мүше;

8. Эспина Энтони, «Самұрық-Қазына» АҚ мүдделерінің өкілі;

9. Айдарбаев Алик Серікұлы, ҚМГ Басқармасының төрағасы.

Осы Есеп шыққан күнгі Комитеттер құрамы мынадай:

Стратегия және портфельді басқару комитеті
1. Уайт Стивен Джеймс, Комитет төрағасы
2. Уолтон Кристофер Джон
3. Қарабалин Ұзақбай Сүлейменұлы
4. Грюал Балжит Каур
5. Дайер Филип Джон
6. Виана Палья Да Сильва Луис Мария
7. Эспина Энтони

Тағайындау және сыйақылар жөніндегі комитет
1. Виана Палья Да Сильва Луис Мария, Комитет төрағасы
2. Дайер Филип Джон
3. Уолтон Кристофер Джон
4. Уайт Стивен Джеймс
5. Қарабалин Ұзақбай Сүлейменұлы
6. Эспина Энтони

Қаржы комитеті
1.Уолтон Кристофер Джон, Комитет төрағасы
2. Уайт Стивен Джеймс
3. Грюал Балжит Каур
4. Дайер Филип Джон
5. Виана Палья Да Сильва Луис Мария
6. Эспина Энтони

Аудит жөніндегі комитет
1. Дайер Филип Джон, Комитет төрағасы
2. Уайт Стивен Джеймс
3. Виана Палья Да Сильва Луис Мария

Қауіпсіздік, еңбекті қорғау және қоршаған ортаны қорғау және орнықты даму комитеті
1. Дэйер Филип Джон, Комитет төрағасы
2. Уолтон Кристофер Джон
3. Уайт Стивен Джеймс
4. Қарабалин Ұзақбай Сүлейменұлы
5. Виана Палья Да Сильва Луис Мария

ОРНЫҚТЫ ДАМУ

ОРНЫҚТЫ ДАМУ – БІЗДІҢ СТРАТЕГИЯЛЫҚ МАҚСАТЫМЫЗ

2018 жылы Директорлар кеңесі Компанияның алдағы он жылға арналған үш стратегиялық мақсаттарының бірі ретінде Корпоративтік басқару мен орнықты дамуды айқындайтын ҚМГ 2028 жылға дейінгі жаңа Даму стратегиясын (бұдан әрі – Стратегия) бекітті.

«Корпоративтік басқару және орнықты даму» стратегиялық мақсатын іске асырудың нәтижесі – корпоративтік әлеуметтік жауапкершіліктің, еңбекті, денсаулықты және қоршаған ортаны қорғаудың жақсартылған көрсеткіштеріне қол жеткізуді, қатысу өңірлеріндегі экономикалық әсерді жақсартуды, сыбайлас жемқорлыққа қарсы іс-қимылды, мүдделі тараптармен өзара қарым-қатынас сапасын жақсартуды, корпоративтік басқару рейтингін және жалпы корпоративтік әдеп мәдениетін арттыруды қамтамасыз ететін басқару жүйесін құру болуға тиіс.

Стратегияны іске асыру жөніндегі іс-шаралар жоспарында компанияның және оның бизнесбірліктерінің орнықты даму компоненттерін енгізумен байланысты көрсеткіштерді корпоративтік негізгі қызмет көрсеткіштеріне (ҚНК) енгізу көзделген. Келесі жылы орнықты даму бойынша ҚТК-ні стратегиялық және орта мерзімді жоспарлау жүйесіне және Компанияның ҚНК діңіне интеграциялау жоспарлануда.

Тұрақты даму жүйесін іске асыру және енгізу үшін 2019 жылы ҚМГ компаниялар тобы үшін Тұрақты дамуды басқару жүйесі жөніндегі нұсқаулық әзірленетін болады.

МҮДДЕЛІ ТАРАПТАРМЕН ӨЗАРА ІС-ҚИМЫЛ

ҚМГ көмірсутектерді барлау мен өндіруден, оларды тасымалдау мен өңдеуден бастап, Қазақстан ішінде де, шетелде де мұнай мен мұнай өнімдерін сатуға дейін толық өндірістік циклді жүзеге асырады және мұнай-газ секторындағы мемлекеттің мүддесін білдіреді. Қызметтің құрылымы мен түрлерінің күрделілігіне байланысты ҚМГ мүдделі тараптардың кең ауқымымен өзара іс-қимыл жасайды.

Мүдделі тараптарды айқындау

ҚМГ мүдделі тараптармен диалогты және ұзақ мерзімді ынтымақтастықты жолға қою және қарым-қатынасты басқару бойынша тұрақты негізде шаралар қабылдайды.

ҚМГ-да Мүдделі тараптардың картасы бекітілді, ол тәуелділік (тікелей немесе жанама), міндеттемелер, жағдай (жоғары тәуекел аймақтарына ерекше назар аудара отырып), әсер, әртүрлі (әр алуан) перспективалар ескеріле отырып, тәуекелдер мен ранжирлеу есепке алына отырып жасалды. Қойылған міндеттерді тиімді іске асыру үшін мүдделі тараптармен өзара іс-қимыл жоспарлары жасалады.

ҚМГ мүдделі тараптарды айқындау және олармен өзара іс-қимыл кезінде AA1000SES Stakeholder Engagement Standard сияқты халықаралық стандарттарды қоса алғанда, мүдделі тараптармен өзара іс-қимылдың ең үздік практикасын қолданады.

Мүдделі тараптармен өзара іс-қимыл әдістері мыналарды қамтиды:

Өзара іс-қимыл деңгейі	Өзара іс-қимыл әдістері
Консультациялар: Екі жақты өзара іс-қимыл; мүдделі тараптар Қор мен ұйымдардың сұрақтарына жауап береді	Сауалнамалар; фокус-топтар; мүдделі тараптармен кездесулер; ашық кездесулер; семинарлар; коммуникация құралдары арқылы кері байланыс ұсыну; консультациялық кеңестер
Келіссөздер:	Әлеуметтік әріптестік қағидаттары негізіндегі ұжымдық келіссөздер
Тартылу: Екі жақты немесе көп жақты өзара іс-қимыл; барлық жақтан тәжірибе мен білімді арттыру, мүдделі тараптар мен ұйымдар тәуелсіз әрекет етеді	Көпжақты форумдар; консультациялық панельдер; консенсусқа жету процесі; бірлескен шешімдер қабылдау процесі; фокус-топтар; кері байланыс ұсыну схемалары
Ынтымақтастық: Екі жақты немесе көп жақты өзара іс-қимыл; тәжірибе мен білімді бірлесіп өсіру, шешімдер мен шараларды бірлесіп қабылдау	Бірлескен жобалар; бірлескен кәсіпорындар; әріптестік; мүдделі тараптардың бірлескен бастамалары
Өкілеттіктер беру: Мүдделі тараптар басқаруға қатысады	Мүдделі тараптармен өзара іс-қимыл мәселелерін басқаруға, стратегияға және операциялық қызметке интеграциялау

ЕСЕПТІҢ ЕЛЕУЛІ ТАҚЫРЫПТАРЫН АЙҚЫНДАУ

Есепте маңызды тақырыптарды бағалау және ашу үшін сыртқы және ішкі стейкхолдерлердің деректері талданды. Өткізілген процедуралардың нәтижелері бойынша 152 әлеуетті тақырыптан тұратын мәнділік матрицасы жасалды. Бұл матрица төменде ұсынылғандай, маңыздылық деңгейі бойынша 4 шартты аймаққа (квадрантқа) бөлінген.

Әлеуетті тақырыптардың жалпы тізімінің ең маңызды тақырыптарын таңдау үшін тақырыптарға басымдық беруге және ранжирлеуге бағытталған белгілі бір рәсімдер жасалды. Басқаша айтқанда, «сүзгілер» деп аталатын рәсім қолданылды.

Ішкі «сүзгілерге» мыналар жатады:

• Воркшоп немесе ҚМГ қызметкерлеріне арналған семинар;

• ҚМГ басшылығына онлайн сұрау салу.

Сыртқы «сүзгілер»:

• Сыртқы мүдделі тараптарға онлайн сұрау салу;

• Медиаөрісті (БАҚ) талдау;

• Ұқсас компаниялардың есептеріне шолу;

• «Мегатрендтер» деп аталатын жаһандық трендтерді талдау.

Елеулі тақырыптар тізімі

Экономикалық тақырыптар
4	Өндірісті жаңғыртуға арналған инвестициялар
7	Негізгі қаржылық көрсеткіштер
11	Компанияның сатып алуға және өнім берушілермен жұмыс жасауға қолданатын тәсілдемелері
12	Компанияның өз өнімдері үшін жауапкершілікті қамтамасыз ету тәсілдері: сапа және талаптарға сәйкестік
17	Стратегияның негізгі мақсаттары мен бағыттары
20	Өндірілетін өнім түрлері бойынша өндірістік нәтижелер

Персонал, қоғам, корпоративтік басқару
65	Өліммен аяқталған жазатайым оқиғалар
73	Жарақаттану деңгейі
76	Көлік қауіпсіздігі
83	Жалақы және әлеуметтік пакет
84	Персоналдың денсаулығы және қауіпсіздігі
88	Персоналды оқыту және даярлау
86	Ұжымдық шарт
91	Қызметкерлерді тарту/жалдау
4	Персоналды уәждеу жүйесі
99	Қатысу өңірлерінің инфрақұрылымына инвестициялар
109	Тауарлардағы жергілікті қамту
115	Демеушілік және қайырымдылық
117	Қатысу аймақтарындағы жергілікті персоналды жұмысқа орналастыру
119	Сыбайлас жемқорлыққа қарсы іс-қимыл
122	Іскерлік әдеп / Корпоративтік басқару
136	Компанияның Даму стратегиясының болуы, оның қолжетімділігі

Экология
25	Суды пайдалану
31	Атмосфераға ластаушы заттардың шығарындылары
32	Ілеспе мұнай газын жалындатып жағуды қысқарту жөніндегі іс-шаралар
39	Қатысу аймақтарындағы қорғалатын табиғи аумақтар туралы ақпарат
41	Биоалуантүрлілікке әсері
53	Қоршаған ортаны қорғау саласындағы талаптарға сәйкестік
54	Қалдықтардың түрлері мен пайда болу көлемі
58	Энергияны тұтыну 47 Климаттың өзгеруіне байланысты тәуекелдер және оған бейімделу
49	Экология/климаттың өзгеруі жөніндегі халықаралық / жергілікті бастамаларға қатысу
61	Энергия тиімділігін арттыру және энергия сыйымдылығын төмендету жөніндегі шаралар

ӘДЕП ЖӘНЕ АДАЛДЫҚ

Құндылықтар, қағидаттар, стандарттар және мінез-құлық нормалары

2018 жылы біз жаңа Іскерлік әдеп кодексін (бұдан әрі – Кодекс) бекіттік, ол ҚМГ корпоративтік құндылықтарын бекітеді, іскерлік мінез-құлықтың және мүдделі тараптармен өзара қарым-қатынас жүргізудің аса маңызды қағидаттары мен қағидаларын айқындайды және Компанияның барлық қызметкерлері басшылыққа алатын корпоративтік әдеп талаптарының жиынтығын білдіреді.

Кодекс – ҚМГ корпоративтік басқару жүйесінің маңызды бөлігі, ол Компанияның ұзақ мерзімді перспективада экономикалық өсуіне ықпал етеді.

Кодекстің ережелері ҚМГ қызметкерлеріне атқаратын лауазымына қарамастан қолданылады. ҚМГ қызметкерлері Кодекстің қағидаттары мен ұсынымдарымен танысуға және оларды сақтауға міндетті.

ҚМГ осы Кодекстің ережелерін қабылдайды және ҚМГ акционерлерімен, қызметкерлермен, еншілес және тәуелді ұйымдармен, мемлекеттік органдармен, әріптестермен, өзге де мүдделі тұлғалармен іскерлік шешімдер қабылдау кезінде де, күнделікті жағдайларда да өзара қарымқатынастарда ұстанады.

Кодекс ашық құжат болып табылады және ҚМГ іскер әріптестері мен басқа да мүдделі тұлғалар арасында еркін таратылады. Ол сондай-ақ компанияның сайтында «Корпоративтік құжаттар» бөлімінде орналастырылған.

Бекітілген Кодекске сәйкес, ҚМГ қызметі мынадай қағидаттарға негізделген:

Ашықтық

Жауапкершілік

Айқындық

Эдепті мінез-құлық

Құрмет

Заңдылық

Кәсіпқойлық

Әділдік

Сыбайлас жемқорлыққа төзбеушілік

Мүдделер қақтығысына жол бермеу

Экологиялық жауапкершілік

Қауіпсіздік

ӘДЕПКЕ ЖАТПАЙТЫН МІНЕЗ-ҚҰЛЫҚ ТУРАЛЫ КОНСУЛЬТАЦИЯЛАРҒА ЖҮГІНУ ТЕТІКТЕРІ

Біз қызметкерлер, іскер әріптестер және мүдделі тараптар корпоративтік әдептің, адам құқықтарының, еңбек қатынастары практикасының кез келген сақталмауы, теріс экологиялық не әлеуметтік әсері туралы хабарлауы үшін түрлі тетіктер әзірледік:

• Қызметкерлер – өзінің тікелей басшысын немесе жоғары тұрған адамды хабардар ету арқылы; немесе Омбудсменге ақпарат беру арқылы (78-65-60 телефоны бойынша немесе ombudsman@kmg.kz электрондық адресі арқылы).

• Қызметкерлер және басқа тұлғалар – 78-65-60 телефоны бойынша немесе ombudsman@kmg.kz электрондық сенім адресі арқылы.

• «Жедел желі» бойынша жүгіну 8-800-080-1994 телефоны, sk.hotline@deloitte.kz электрондық адресі, не www.sk.deloitte-hotline.com сайты арқылы.

Құпиялылықты қамтамасыз ету мақсатында барлық ақпаратты сыртқы тәуелсіз компания қабылдап, өңдейді. Бұл компания күн сайын келіп түскен өтініштер туралы есеп жасайды және оны Комплаенс қызметіне жібереді.

Комплаенс қызметінің қызметкерлері келіп түскен өтініштерді ішкі саясатқа сәйкес қарау бойынша одан әрі іс-қимылдар туралы шешім қабылдайды.

Үздік халықаралық практикаға, оның ішінде Халықаралық омбудсмендер қауымдастығының (ХОҚ) стандарттары мен қағидаттарына сәйкес ҚМГ омбудсмені ҚМГ Директорлар кеңесіне есеп береді және оған жүгінген қызметкерлерге, еңбек дауларының, жанжалдардың қатысушыларына кеңес беретін жоғары деңгейдегі тәуелсіз менеджер болып табылады және оларға ҚР заңнамасының нормаларының сақталуын (оның ішінде қажет болған жағдайда құпиялылықтың сақталуын) ескере отырып, өзара тиімді, сындарлы және іске асырылатын шешімдерді әзірлеуде жәрдем көрсетеді, қызметкерлердің де, сондай-ақ бүкіл компанияда проблемалық әлеуметтік-еңбек мәселелерін шешуде, іскерлік әдеп қағидаттарын сақтауда жәрдем көрсетеді.

Компания ішіндегі дауларды шешу кезінде Омбудсмен жанжал тараптарына оны бейбіт реттеу жолымен шешуге көмектесуге тырысады. Осы мақсатта Омбудсмен дәйектілік, құпиялылық және тәуелсіздік принциптерін мүлтіксіз сақтай отырып, кеңесші, келіссөзші, медиатор немесе жанжалтанушы рөлін атқарады. Жанжалдарды реттеу барысында Омбудсмен теңдік пен әділдік қағидаттарына сүйенеді, бұл жұмыс орындарындағы моральдық-психологиялық ахуалды жақсартуға және қызметкерлердің уәждемесі мен ниеттестігін арттыруға ықпал етеді.

Омбудсмен қызметі ҚМГ-ға даулы жағдайларды реттеумен жұмыс істеу (ИСО 10003) және шағымдармен жұмыс істеу (ИСО 10002) жөніндегі Стандарттау жөніндегі халықаралық ұйыммен көзделген халықаралық стандарттардың сақталуын қамтамасыз етуге мүмкіндік береді.

Барлық келіп түскен хабарламаларды «Делойт» тәуелсіз компаниясы өңдеуге қабылдайды

Бұдан басқа, бірыңғай ішкі коммуникациялар жүйесі шеңберінде мынадай тетіктер бар:

• басшылардың еңбек ұжымдарымен және кәсіподақпен кездесуі;

• қызметкерлерді жеке мәселелер бойынша бірінші басшының қабылдауы;

• бірінші басшының блогы;

• ұсыныстарды жинауға арналған жәшіктер.

Іскерлік әдеп кодексіне сәйкессіздік жөніндегі өтініштер Омбудсменнің міндетті түрде қатысуымен құпиялылық шартымен қаралады.

Кез келген өтініштер келіп түскен кезде топ басшылығына хабарланады. Келіп түскен барлық шағымдар мен ұсыныстар тіркеледі, басшылықтың өтінішті қарау қорытындысы бойынша шешімі өтініш берушіге жеткізіледі.

Жедел желі

Сіз Мінез-құлық кодексінің кез келген бұзушылықтары туралы, соның ішінде сыбайлас жемқорлық, алаяқтық, әдепсіз мінезқұлық, кемсітушілік фактілері туралы хабарлай аласыз.

Біз 100% шағымдардың құпиялылығы мен жасырын қаралуына кепілдік береміз

8 800 080 19 94 sk.hotline@deloitte.kz www.sk.deloitte-hotline.com

Барлық келіп түскен хабарламаларды «Делойт» тәуелсіз компаниясы өңдеуге қабылдайды

СЕНІМ АҚПАРАТТЫҚ ЖҮЙЕСІ ЖӘНЕ «ЖЕДЕЛ ЖЕЛІ»

Сыбайлас жемқорлыққа қарсы іс-қимыл мәселелері бойынша белсенді профилактикалық жұмыстар ҚМГ тобында белгілі болған не анықталған барлық бұзушылықтар туралы хабарлау үшін 78-65-65 телефоны не doverie@kmg.kz электрондық адресі (құпиялыққа кепілдік беріледі), сондай-ақ 8-800-080-1994 телефоны арқылы Қордың жедел желісімен, sk.hotline@deloitte.kz электрондық адресі, не www.sk.deloitte-hotline.com сайты және басқа да арналар арқылы қызметкерлердің және өзге де тұлғалардың ақпараттық сенім жүйесінің (бұдан әрі – АСЖ) мүмкіндіктерін пайдалануға тартылу дәрежесінің белгілі бір өсуіне әкеп соқты.

Осылайша, 2018 жылы ҚМГ АЖД желісі бойынша ғана 67 өтініш келіп түсті, ЕТҰ-ның сол арналары арқылы тағы 57 өтініш келіп түсті (2016 жылы – 65, 2017 жылы – 60 сәйкесінше). 24 өтініш Қордың «жедел желісі» арқылы алынды. ҚМГ басшылығының жеке қабылдауы және пошта байланысы шеңберінде 48 өтініш келіп түсті.

Заңды және жеке тұлғалардың барлық өтініштері белгіленген тәртіппен және мерзімде, тиісті шаралар қолданыла отырып және олардың авторлары хабардар етіле отырып қаралды.

Сыбайлас жемқорлық нормаларын болдырмау мақсатында ішкі құжаттардың 60-тан астам жобасы, тауарларды, жұмыстарды және қызметтерді сатып алу бойынша 100-ден астам келісімшарт жобалары сарапталды. Сыбайлас жемқорлық және өзге де құқық бұзушылықтарға қатысы тұрғысынан 413 қызметкер және бос әкімшілік лауазымдарға орналасуға кандидаттар тексерілді.

Соңғы үш жыл ішінде компанияға жұмысқа қабылдау кезінде барлығы 1,5 мыңнан астам қызметкерлер мен кандидаттар тексеріске ұшырады, бұл ретте жұмысқа қабылдаудан бас тартуға, ауыстыру және ұсыну тәртібімен тағайындауға кедергі келтіретін мәліметтер анықталған жоқ.

223 әлеуетті контрагенттің азаматтық-құқықтық жағдайы тексерілді, олар бойынша қорытындылар сауалдардың бастамашыларына уақытында берілді.

2018 жылғы мәлімдемелер мен өтініштер, байланыс арналары бойынша, %

12%