ҚМГ жаңалықтары

15.04.2022

«ҚазМұнайГаз» атын жамылып, азаматтарды қаржы салуға шақырушыларға сенбеңіздер!

Қазіргі уақытта алаяқтар Қазақстан азаматтарын «ҚазМұнайГаз» ұлттық компаниясына қаржы салуға шақырып, арнайы сайт құрып, видеолар тарату оқиғалары кездесіп отыр. Халықты мұнай мен газ сатып, мол пайдаға кенелуге шақыруда.

«ҚазМұнайГаз» ұлттық компаниясы Қазақстан азаматтарының қаржысын ешқандай инвестициялық жобаларға тартуға шақырмағанын мәлімдейді! Таратылып жатқан жалған жарнамалық хабарландыруға сенбеңіздер! Сақ болыңыздар!

Қандай да бір әрекет жасар алдында ақпараттың растығын анықтап алыңыз.

Еске саламыз, «ҚазМұнайГаз» ұлттық компаниясы өз қызметі туралы барлық ақпаратты www.kmg.kz сайтында, сондай-ақ әлеуметтік желідегі ресми парақшаларында ғана жариялайды.